أنواع المستهلكين الثمانية

لو شوفت الفيلم ..

اللي عامل ضجة مؤخرا ..

والمذاع علي نتفليكس Don't look up

واللي مليان إسقاطات كتير من الواقع ..

سياسية وإجتماعية وإقتصادية …

فممكن يكون لفت نظرك..

المشهد ده بالتحديد …

زي ما لفت نظري

واللي بيكلم فيه رئيس مجلس إدارة ..

شركة الموبايل الشهيرة (باش للتكنولوجيات) ..

-واللي بيعمل مؤتمر كل سنة -((بيفكرك بحد ده!))

مع البروفيسور ميندي (ليوناردو ديكابريو) …

واللي قاله انه …

خوارزميات شركته ..

قدرت تحدده وتصنفه ..

من ضمن ال ٨ أنواع الأساسية..

من أنواع المستهلكين consumer profiles

وانه متصنف تبعا لخوارزمياتهم ..

ل life style idealist

واللي شرحله بانه …

مدفوع بالاعتقادات الاخلاقية العالية..

ولكنه بيسعي كمستهلك الي المتعة ..

وبيحب يبعد ويتفادي ..

أي نوع من الالم ..Risk Averse

طب يا تري سألت نفسك ..

ايه هما الانواع التانية من المستهلكين …

وايه هي صفاتهم ؟؟!!

حسب أحدث الدراسات والتحليلات..

لسلوكيات المستهلكين ..

بعيدا عن خوارزميات بلش تكنولوجي

فخليني أقولك..

إن أنواع ال consumer profiles

ليها تقسيمات مختلفة …

لكن النهاردة حابب نعتمد علي..

التقسيمة الصادرة عن..

يورومونيتور إنترناشونال..

(كواحدة من كبري شركات تحليل البيانات)

لسنة 2019 ..

واللي بتقسم المستهلكين عالميا الي عشر أنواع ..

مع اقتباس بيوصف كل منهم.

وده لاني شايفها ..

الاقرب للتقسيمة اللي اتكلم عنها الفيلم …

والانواع هما

IMPULSIVE SPENDER

المنفق المندفع واللي بيحب يلاقي الصفقات الجذابة …واللي بتخليه يشتري فورا..

CONSERVATIVE HOMEBODY

المتحفظ رب الاسرة ..واللي الاسرة تشكل دايما غالب تفكيره مع الشراء والاستهلاك ..

MINIMALIST SEEKER

وده الباحث دايما عن البساطة ..واختياراته دايما بتميل للابسط ..بعيد عن أي تعقيدات ..

SECURE TRADITIONALIST

الشخص التقليدي اللي بيحب الامان ..

واللي عنده دايما حب الاشياء التقليدية وبيبعد عن أي مخاطرات..

UNDAUNTED STRIVER

الناشط الغير دارس ..

وده بيحب يكون الافضل ..

ويحصل علي الافضل ..

ولكنه ما بيقومش بدراسة قرارته الشرائية …

EMPOWERED ACTIVIST:

الناشط المتمكن …

واللي دايما عنده الحس انه قادر علي التغيير في اللي حواليه ..

وانه ليه نظره مميزه ومختلفة عن الاخرين …

INSPIRED ADVENTURER

المغامر الملهم ..

وده اللي بيبحث دايما عن المزيد من الاستمتاع بالحياة ..

DIGITAL ENTHUSIAST:

المتحمس الرقمي ..

وده بيدمج وبيعتمد علي التكنولوجيا في كل قرارته ومشترياته

BALANCED OPTIMIST:

متفائل متوازن…

وده شخص واثق من نفسه ومتوازن في قرارته الشرائية…

CAUTIOUS PLANNER:

مخطط حذر

وده شخص بيميل دايما للتخطيط مع الحذر من تفادي المشاكل

حاول بقي ..

تصنف نفسك وأصدقائك المقربين ليك..

حسب التصنيف ده…

وإكتبلنا في الكومنتات…

إنت أي نوع من أنواع المستهلكين دول ؟؟

رابط المقال للمهتمين :

https://www.beautypackaging.com/.../euromonitor.../

================

فيد غيرك بالمعلومة لو شايف انك استفدت منها

شير ولايك للموضوع

إعمل see first

علشان تكون أول حد يوصله الموضوعات الجديدة .

و تابعوا كل جديد على هاشتاج

#الكبسولة_التسويقية

اشتركوا في قناة اليوتيوب لو لسه ما أشتركتوش ..

https://www.youtube.com/user/drsherif2000?sub_confirmation=1