العميل بيشتري فورا... مجرد ما يطمن

العميل بيشتري فورا بمجرد ما يطمن !

خليك معايا يا صديقي

لحد ما أحكيلك قصة الصورة دي

في الجزء الاخير من البوست

من منظور المسوقين ..

في الوقت الحالي..

إن العملاء و المستهلكين أصبحوا..

أكثر مهارة في استخدام التكنولوجيا ..

وبيقوموا بعمل المقارنات …

بشكل أسهل وأسرع بكتير..

عن فترة ما قبل عصر الانترنت ..

لما كان مطلوب منهم يبذلوا مجهود كبير جدا..

علشان يقدروا يوصلوا لافضل قرار شرائي ..

وبقوا بيختاروا..

بسهولة أفضل العروض ..

وإن الولاء للعلامات التجاريه ..

قد يكون في طريقه للتلاشي قريبا…

مع توفر وتنوع الخيارات المحلية والعالمية..

المتاحة لكل منتج أو خدمة …

وعلي العكس البعض الاخر ..

بيشوف انه كلما زاد التفاعل مع العملاء ..

وكل ما قدمت ليهم معلومات أكتر ..

زادت فرصتهم في التمسك بمنتجاتك أكتر …

لكن لو حبينا نشوف الصورة

من جانب المستهلكين ..

فحجم الرسائل التسويقية المتزايدة..

أصبح أمر مربك أكثر من المتوقع ..

وبدل ما بيجذبهم …

بقي بيشتتهم ..

و بيحيرهم أكتر !!!!

عكس ما الكل بيتوقع ...

في دراسه حديثة..

نشرتها مجلة هارفرد بيزنس ريفيو سنة ٢٠١٢

تقدروا تقروها بالتفصيل في المقال التالي :

https://hbr.org/.../05/to-keep-your-customers-keep-it-simple

كانت نتيجة استطلاع رأي..

لأكتر من ٧ الالاف مستهلك..

ومقابلات مع مئات المديرين التنفيذين للتسويق ..

الدراسه وصلت الي ان ...

في أكثر من أربعين متغير…

بيخلوا المستهلكين..

يتخذوا قرار الشراء بشكل أكثر سهولة..

وبشكل متكرر ..

وكمان بيوصوا بيها للاخرين ..

لاخذها في اعتبارهم في جولتهم الشرائيه الجايه ..

والخلاصه كانت !!

ان من بين القرارات دي كان أهم متغير هو...

(بساطه القرار)

أو السهولة اللي بيها…

بيقدر المستهلك يجمع معلومات ..

جديرة بالثقة حوالين المنتج..

وموازنة خيارات الشراء المتاحة قصاده ..

بثقة وكفاءة ..

اعتمادا علي اداة لقياس ده وهي ..

((مؤشر بساطة القرار))

وده مقياس ..

بيحدد مدى سهولة جمع المستهلكين وفهمهم للمعلومات..

حول العلامة التجارية ..

ومدى ثقتهم في المعلومات اللي لاقوها..

ومدى سهولة موازنة خياراتهم..

وكل ما زادت سهولة قيام العلامة التجارية ..

بتسهيل رحلة اتخاذ قرار الشراء …

… زادت نقاط مؤشر بساطة القرار…

ولو حبينا نحط نقاط محددة..

لأهم عناصر استراتيجية..

تسهيل قرار للمستهلكين …decision-simplicity strategy

فالدراسة حددتها بما يلي ..

تسهيل الملاحة Navigation خلال الرحلات الشرائية للمستهلكين …

( وده من خلال رسم تصور سهل لل buyer journey )

وتشكيل تجربه سلسة وواضحه ومختصرة قدر الامكان خلال الرحلة دي ..

بعيد عن المسارات المربكة المعقدة …

بناء الثقة (الآمان) بشكل يطمن العميل لاتخاذ قراره

تفادي غزارة المعلومات حوالين المنتج..

ومحاولة تبسيطها وتماشيها مع عقلية المستهلك consumer friendly

سهولة تقييم الخيارات المتاحة ..

ووضع معايير قياس سهلة وبسيطة (وأكيد مميزه تسويقا لمنتجك)

==========

نيجي بقي لصورة الاعلان الممول…

اللي استخدمته شركة بيجو الفرنسية للسيارات …

في سنة ٢٠١٨ ..

واللي لعبت فيه على واحدة من

عناصر تسهيل القرار عند المستهلكين …

وهي …

عنصر الثقة للعملاء!!

الفترة دي كان في قلق متزايد في السوق المصري …

ان الاسعار هتنزل بعد فتره ..

وكان في حملة شعبيه قويه..

لمقاطعة شراء السيارات الجديدة ..

حملة خليها تصدي

ضد غلاء الاسعار عند الوكلاء

( شكله كده الزمن بيعيد نفسه !!)

والوكيل علشان يطمن العملاء…

اللي كانوا موقفين شراء للعربيات الجديدة ..

قرر يسهل قرار الشراء ..

خصوصا انه قرار معقد complex decision

لسلعه غير أساسية (ترفيهية) الي حد ما …

وبتستهدف جمهور محدد جدا ..

مش زي لما تكون بتشتري موبايل ..

وممكن تقبل ان سعره يقل ..

وتخسر فيه شويه ..

لما ينزل موديل أحدث السنة اللي بعدها ..

او سلعه استهلاكيه Commodities..

بتشتريها كل يوم زي اللبن والرز والبيض … وغيرهم

اللي سعرها خاضع للتغيير بشكل مستمر …

وممكن تقبل التغيير المحدود فيهم …

لانك ما تقدرش تستغني عنها…

بالاضافة ان فريق التسويق وقتها ..

كان مدفوع برغبة ملحة من فريق البيع…

انه عاوز يحقق مبيعات سنة ٢٠١٨

اللي كانت قربت تخلص ..

خصوصا ان في صناعة السيارات..

موديلات السنة اللي بعدها بتنزل…

وبتقلل من سعر موديلات السنة السابقة بشكل معقول..

وده بيشكل ضغط دايم علي الوكيل …

اللي مطلوب منه يشتري عدد محدد من السيارات ..

من الشركة الام من كل موديل وكل فئة ..

واللي انتشر علي السوشيال ميديا بعدها ...

ان فعلا الوكيل عوض المشترين ..

بفروقات الاسعار لما نزلت مستقبلا بعد كده…

وده كمان خلق نوع من الثقة والولاء

لمنتجات الشركة …

الخلاصة

طمن عملائك لحسن قرارهم …

وخليهم يشتروا وهما مبسوطين ومرتاحين ..

==========

فيد غيرك بالمعلومة لو شايف انك استفدت منها..

شير ولايك للموضوع

إعمل see first

علشان تكون أول حد يوصله الموضوعات الجديدة .

و تابعوا كل جديد على هاشتاج

#الكبسولة_التسويقية

اشتركوا في قناة اليوتيوب لو لسه ما أشتركتوش ..

https://www.youtube.com/@sherifalkadymarketing

ولا تنسوا الاشتراك

وتفعيل زر التنبيهات

علي باقي قنوات التواصل الاجتماعي

فيس بوك:

https://www.facebook.com/Sherifalkadymarketing

انستجرام:

https://www.instagram.com/sherifalkadymarketing/

لينكد ان:

https://www.linkedin.com/in/sherif-al-kady-mba/

تيك توك:

https://www.tiktok.com/@sherifalkadymarketing