هل إنتهي عصر السوشيال ميديا لصالح الذكاء الاصطناعي !؟ 👀

التحولات الجذرية في قطاع الديجيتال ميديا خلال العقدين اللي فاتوا بدأت مع ظهور ال social media marketing 🎯

اللي غيرت شكل التسويق التقليدي تمامًا 🔄

فبدل ما كان المشاهد مجبر يتفرج على الإعلانات في الشوارع أو التلفزيونات أو أي وسايل رقمية عادية ، بقى الإعلان بيجيله مباشرة على موبايله في المنصات اللي بيستخدمها بشكل أكبر📱

النقلة دي عملت ثورة، وبقى الأفراد والشركات الصغيرة يقدروا يحققوا انتشار واسع بميزانية محدودة 💰

ويوصلوا لجمهور جديد كان من الصعب الوصول ليه في إطار التسويق الرقمي قبل السوشيال ميديا 🌍

المعركة بين المنصات كانت دايمًا على كيفية إبقاء المستخدمين لأطول فترة ممكنة عشان يعرضوا أكبر عدد من الإعلانات من غير ما يزهقوا 🕰️ ويبيعوا كمان بيانات العملاء للي يدفع أكتر 💵

لكن مع ظهور الذكاء الاصطناعي 🤖 إحنا قدام تغيير جذري في سلوك المستخدمين من منصات التواصل الاجتماعي تجاه منصات الذكاء الاصطناعي 🔄

الخوارزميات هتتجه إما لربط المنصتين ببعض أو لتحقيق توازن يمكّن المنصات من الاستفادة من الناحيتين 📊

مثلا... Meta وGoogle بيشتغلوا على دمج قدرات الذكاء الاصطناعي داخل منصاتهم عشان يوفروا مزايا للمستخدمين والمعلنين في نفس الوقت 🛠️

لكن ده حل مؤقت من وجهة نظري، لأن المستقبل رايح لمنصات ال AI اللي هتخلي المستخدمين يستمروا عليها لفترات طويلة باستخدام ميزاتها الفريدة 🔮 وده هيخليها مفضلة عن منصات التواصل الاجتماعي مع الوقت 🏆

كمان في لاعبين زي OpenAI، مش عندهم منصات سوشيال ميديا، هيبدأوا يغيروا فكر المنصات لتعظيم مكاسبهم 💡

في البداية قدموا اشتراك شهري بسيط، لكن بعدين ممكن يقدموا كل المزايا مع عرض بانرات إعلانية لتعويض قيمة الاشتراك اللي بيدفعها المشتركين 📈

ميتا، اللي عندها أكبر قاعدة بيانات مستخدمين في العالم 🌍

هي اللاعب الأكبر في اللعبة دي 🎮 رغم إن قدرات الذكاء الاصطناعي بتاعتها مش واضحة للمستخدمين لحد دلوقتي، إلا إنها بتتفوق على معظم المنصات بفضل الوصول الهائل للمعلومات والقدرات التحليلية 🔍

أما جوجل، المنافس الأشرس، لسه في طور البحث عن الخلطة السحرية رغم إمكانياتها الكبيرة في الذكاء الاصطناعي 🧪

وهتدخل في مواجهة حاسمة مع لاعبين زي أبل المتعاونة مع OpenAI لدمج خدمات الذكاء الاصطناعي في منصاتها 🤝 خصوصا على قطاع الموبايل 📱

لأن حتى الآن منصات الذكاء الاصطناعي قدراتها الرئيسية من خلال الويب أو التصفح 🌐

جوجل للبحوث بدأ يفقد جزء من قوته مع توجه المستخدمين للبحث عن المعلومات عبر منصات الذكاء الاصطناعي، وده بيهدد مستقبل المواقع والمدونات التقليدية قريبًا! 📉

أما فيما يخص الإعلانات على منصات التواصل، التطوير الحالي متجه لدعم الذكاء الاصطناعي لتنفيذ الحملات الإعلانية بدون تدخل بشري كبير 🤖

وده يعني إنك مش هتحتاج مستقبلا لمتخصص في إدارة الحملات (media buyer)، لأن كل منصة عارفة مستخدميها كويس وتعرف إزاي توجه الإعلانات بالشكل اللي يحقق رضا المعلنين ويدر الفلوس على المنصة 💵

باختصار، قواعد اللعبة بتتغير كليًا، وإحنا في مرحلة فارقة في تاريخ ال digital marketing ، مع دخول عصر جديد يعتمد على الذكاء الاصطناعي بشكل غير مسبوق 🚀

الجملة دي مهمة:

"إحنا في عصر السرعة والتكنولوجيا، والتكيف مع التغيرات السريعة هو مفتاح النجاح." ⚡️

المنصات اللي هتقدر تستفيد من الذكاء الاصطناعي بأسرع وقت هي اللي هتقدر تحتفظ بمكانتها وتستمر في تحقيق المكاسب 🏆

الدمج بين التحليلات العميقة والسلوكيات الرقمية هيبقى هو الأساس في بناء استراتيجيات التسويق الفعّالة في المستقبل 💡

كمان، ما ننساش إن القدرة على تحليل بيانات المستخدمين بدقة وتقديم تجارب مخصصة هي اللي هتحدد مين اللاعب الأقوى في السوق 🔍 الذكاء الاصطناعي مش بس أداة، ده تحول شامل في طريقة التفكير والاستراتيجية 🌟

ياتري شايفين الكلام ده ممكن يحصل خلال مدة قد إيه ؟

دمتم بود ✨

#الذكاء_الاصطناعي #تسويق_الذكاء_الاصطناعي #استراتيجيات_التسويق

#الكبسولة_التسويقية #تسويق_الكتروني #ذكاء_اصطناعي #الذكاء_الاصطناعي #التسويق_الرقمي #أدوات_الذكاء_الاصطناعي #الكبسولة_التسويقية #تسويق_الكتروني #Ai_Marketing #OpenAI

#ذكاء_اصطناعي #Ai#GPT4o